Geschichtliches

Schellingschule anno 1950 ’s neu Schulhaus Fuffzig Johr scho will mers baua ´s hot sich nie so richtig g´schickt, zeichnet hen se´s em Vertraua, aber´s Baue isch net glückt. Jetzt schtohts do, mr ka sich freia, älles lauft drai nai ond guckt, da Gmeindrot därf sei Geld net reia dr Bürgermeischter hot druff druckt, daß dui Hau en Stiel möcht kriaga, wie sen heutzutag hann sott? ’s Lerna isch do a Vergniaga, wo mer so a Werkstatt hot. Dr Schelling gibt em Haus da Nama guet isch, daß mir an ehn denkt ond sei Weisheit sei a Sama wo em Schulhaus Früchte brengt. Merkets Mädla und ihr Buaba: Weisheit hohrt mer aus am Stoe, Zeit zom Nex do ond zom Gruaba kommt em Alter von alloa Au dr Herrgott geb sein Sega en des schöne neue Haus, daß sei Geist möcht die bewega, die do ganget ei ond aus. Viele Johr hot mer berota, fuffzig Johr des isch koe Eil! Aber jetz isch doch no grota, ´s hoeßt, guet Deng, des braucht lang Weil. Eugen Wendel